30 маусым мен 4 шілде аралығында Шығыс Қазақстан облысында АИТВ-инфекция мәселелері бойынша мониторинг өтті. Іс-шараны Қазақ дерматология және инфекциялық аурулар ғылыми орталығының (ҚДИАҒО) мамандары ұйымдастырды. Мониторингтің негізгі мақсаты – өңірдегі АИТВ саласындағы көмек көрсету жағдайын жан-жақты зерделеу, медициналық ұйымдар арасындағы өзара іс-қимылды бағалау және ұлттық хаттамалардың сақталуын тексеру болды.

АИТВ-мен өмір сүретін адамдарға, негізгі топтарға диагностика, алдын алу және медициналық қызметтер көрсету, сондай-ақ АИТВ-ның вертикалды жолмен берілуінің алдын алу мәселелері бойынша консультациялық-әдістемелік көмек көрсету мақсатында Шығыс Қазақстан облысына ҚР ДСМ Қазақ дерматология және инфекциялық аурулар ғылыми орталығының мониторингтік тобы келді.

Форум жергілікті атқарушы органдардың өкілдерін, құқық қорғау құрылымдарын және азаматтық қоғам белсенділерін біріктірді. Іс-шарада цифрлық дәуірдің өзекті қауіптері: қаржылық пирамидалар, заңсыз ақша айналымы және алаяқтықтың басқа да түрлері талқыланды.

Ұйымдастырушылар алаяқтардың қандай әдіс-тәсілдерді қолданатынын түсіндіріп, олардың қақпанына түсіп қалмаудың жолдарын ұсынды.

Мұндай кездесулер қаржылық сауаттылықты арттырып, жаңа заманның экономикалық қылмыстарымен күресте түрлі сала өкілдерінің ынтымақтастығын нығайтуға септігін тигізеді.

Шығыс Қазақстан облыстық ЖИТС-тің алдын алу және оған қарсы күрес орталығында трансгендер адамдарға (ТГА) медициналық қызмет көрсету мәселелеріне арналған оқыту семинары өтті. Іс-шараның мақсаты – дәрігерлердің ТГА өкілдерінің қажеттіліктері туралы хабардарлығын арттыру және АИТВ-ның алдын алу мен емделуге қолжетімділікті жақсарту.

Семинар барысында трансгендер адамдар арасында АИТВ жұқтыру қаупін арттыратын негізгі себептер қаралды. Қатысушылар бұл мәселені әлеуметтік және медициналық тұрғыда жан-жақты талқылады.

Медицина қызметкерлері күніне орай Шығыс Қазақстан облысында салтанатты концерт өтті. Іс-шараға ШҚО әкімі Нұрымбет Сақтағанов қатысып, ақ халатты абзал жандарды кәсіби мерекесімен құттықтап, олардың жанқиярлық еңбегі мен жоғары кәсібилігі үшін алғысын білдірді.

Бұл мерекелік жиынға ШҚО ЖИТС-тің алдын алу және оған қарсы күрес орталығы да қатысты. Біздің ұжым үшін ерекше қуаныш — эпидемиолог-дәрігер Башкирцева Татьяна ШҚО әкімінің қолынан денсаулық сақтау саласына қосқан елеулі үлесі үшін алғыс хат алған сәт болды.

2025 жылғы маусым айында Шығыс Қазақстан облыстық ЖИТС-тің алдын алу және оған қарсы күрес орталығында медицина қызметкерлері күніне арналған салтанатты жиын өтті. Бұл ерекше күн — адам өмірі мен денсаулығын сақтау жолында аянбай еңбек етіп жүрген ақ халатты абзал жандарға арналған құрметтің белгісі.

Іс-шара барысында орталықтың директоры және басшылық құрамы медицина қызметкерлерін кәсіби мерекесімен құттықтап, олардың күнделікті қажырлы еңбегі мен қоғамға қосып жатқан үлесін ерекше атап өтті.

Жиында үздік қызметкерлер алғыс хаттармен, мақтау қағаздарымен марапатталды.

Өскемен қаласындағы №4 қалалық аурухананың медицина қызметкерлері үшін АИТВ инфекциясының алдын алу тақырыбында арнайы семинар өтті. Іс-шараны Шығыс Қазақстан облыстық ЖИТС-тің алдын алу және оған қарсы күрес орталығы ұйымдастырды.

Семинардың мақсаты – медицина қызметкерлерінің АИТВ туралы білім деңгейін арттырып, күнделікті тәжірибеде жұқтыру қаупін төмендету жолдарын талқылау. Орталықтың мамандары АИТВ-ның таралу жолдары, қорғану шаралары және стигма мен дискриминацияны азайту жөніндегі ақпараттармен бөлісті.

Аутрич қызметкерлеріне арналған ДКП мен АИТВ-ға өзін-өзі тестілеу бойынша оқыту семинары өтті. Семинар барысында ДКП-ны қолдану, тестілеу әдістері және болашақтағы жұмыс жоспарлары талқыланды. Қатысушылар тәжірибе алмасып, өзекті мәселелерді талқылады. Бұл кездесу қауымдастықпен жұмыс сапасын арттыруға септігін тигізеді.

АИТВ-инфекциясына қарсы күрестегі ең маңызды бағыттардың бірі — клиникалық белгілерге назар аударып, ауруды ерте анықтау және дер кезінде арнайы ем тағайындау. Бұл бағыттағы тиімді жұмыс ЖИТС-тың алдын алу және оған қарсы күрес орталығы мен бастапқы медициналық-санитариялық көмек (БМСК) ұйымдарыны жүзге асырды.

Қазақстан Республикасы Денсаулық сақтау министрлігінің №211 бұйрығы және ШҚО Денсаулық сақтау басқармасының бұйрығы аясында мониторингтік топтар мен ЖИТС орталығының клиницист дәрігерлерінің жергілікті жерлерде жүйелі жұмысы жалғасуда.