Қазақстанның елордасында, Астанада облыстық орталықтардың дәрігерлеріне ЖИТС-тің алдын алу және оған қарсы күрес бойынша тренинг басталды. Іс-шараның негізгі тақырыбы АИТВ-инфекциясының озық сатысы бар пациенттерді басқару болды, бұл еліміздің денсаулық сақтау жүйесіндегі ең өзекті міндеттердің бірі болып қала береді.
Іс-шараға орталықтың бас дәрігері, заңгер және алдын алу бөлімінің өкілдері қатысты. Семинардың мақсаты – 2025 жылдың бірінші тоқсанындағы жұмысты қорытындылап, алдағы кезеңге басымдықтарды белгілеу.
Кездесу барысында нәтижелер мен аутрич-қызметкерлердің кездесетін қиындықтары талқыланды. Олардың АИТВ алдын алудағы, стигманы төмендетудегі және негізгі топтармен жұмыс жасаудағы маңызды рөлі атап өтілді.
№17 түзету мекемесінде сотталғандар үшін АИТВ-ның алдын алу тақырыбында ақпараттық-түсіндіру дәрісі өткізілді. Іс-шараны ЖИТС орталығының мамандары ұйымдастырды. Мақсат — сотталғандардың инфекция туралы білімін арттыру және өз денсаулығына жауапкершілікпен қарауға шақыру.
Дәріс барысында АИТВ-ның берілу жолдары, алдын алу әдістері, дер кезінде тексерілудің және медициналық көмекке жүгінудің маңыздылығы түсіндірілді. Сонымен қатар, АИТВ-ға қатысты жалған пікірлер мен стигманы жою мәселесі де қозғалды.
5518 әскери бөлімінде АИТВ инфекциясының алдын алу бойынша дәріс пен экспресс-тест жүргізу шарасы өтті. Іс-шараны ЖИТС алдын алу және оған қарсы күрес орталығының эпидемиолог-дәрігері Аукенова Аяулым өткізді.
Іс-шараның негізгі мақсаты — әскери қызметшілердің АИТВ/ЖИТС туралы білім деңгейін арттыру, вирус жұғу жолдарын түсіндіру, алдын алу шараларын насихаттау және жеке денсаулыққа жауапкершілікпен қарауды қалыптастыру.
22 мамырда Өскемен қаласындағы «Защита теміржол ауруханасы» ЖШС базасында медицина қызметкерлеріне арналған оқыту семинары өтті. Іс-шараны ШҚО ЖИТС-тің алдын алу және оған қарсы күрес жөніндегі облыстық орталығы ұйымдастырды. Семинардың мақсаты — медицина мамандарының АИТВ-инфекцияның алдын алу, эпидемиологиялық қадағалау және негізгі топтармен жұмыс істеу саласындағы құзыреттерін арттыру.
Бүгін Қ.Қайсенов ауылындағы дәрігерлік амбулаторияда ЖИТС орталығы мамандарының көшпелі мониторингі өтті. Іс-шара аясында медицина қызметкерлеріне кеңес беріліп, АИТВ/ЖИТС-тің алдын алу және емдеу бойынша өзекті ақпарат түсіндірілді, сондай-ақ АИТВ жұқтырған науқастармен жұмыс жүргізу тәртібі тексерілді.
Мұндай кездесулер медициналық көмектің сапасын арттыруға және мекемелер арасындағы өзара байланысты нығайтуға ықпал етеді.
Денсаулыққа қамқорлық – ақпараттылықтан басталады!
Шығыс Қазақстан облысы, Ұлан ауданы бойынша білім бөлімінің «Р.Мәрсеков атындағы орта мектебінде» 10-сынып оқушыларына арналған маңызды іс-шара өтті. АИТВ туралы ағартушылық лекцияны ШҚО ЖИТС орталығының тәжірибелі дәрігері өткізді.
Лекцияның басты мақсаты — жасөспірімдерге АИТВ инфекциясы туралы шынайы, ғылыми негізделген ақпарат беру, аурудың жұғу жолдары мен алдын алу шараларын түсіндіру болды.
Республикалық репродуктивті денсаулық апталығы аясында «Jastar Oskemen» комьюнити-орталығында ШҚО-дағы жастар ұйымдарының көшбасшылары мен медицина және психология саласындағы мамандар бас қосты.
Кездесудің басты тақырыбы — жастардың репродуктивті денсаулығы және жыныстық жолмен берілетін инфекциялардың, соның ішінде АИТВ-ның алдын алу. Іс-шара ашық диалог форматында өтті, әр қатысушы өз сұрағын қойып, мамандардан кәсіби кеңес алды.
Медициналық колледжде орта және кіші медицина қызметкерлеріне арналған біліктілікті арттыру курстары өтті. Оқытуды инфекциялық қауіпсіздік саласында үлкен тәжірибесі бар ЖИТС-пен күрес және алдын алу орталығының эпидемиолог-дәрігері Башкирцева Татьяна Михайловна жүргізді.
16 мамыр күні Өскемен қаласында, Ертіс жағалауында АИТВ/ЖИТС-тен қайтыс болғандарды еске алуға арналған акция өтті.
Бұл кеште біз шам жағып, өмірден өткен жандарды еске алдық.
Аспанға шар ұшырып, үміт пен өмірдің символын жеткіздік.
АИТВ-ға жедел және анонимді тест тапсырып,
дәрігерлерден ақпарат пен кеңес алдық.
Қатысқан әр адамға алғысымыз шексіз.
Бейжай қалмағаныңыз үшін.
Білімді, саналы өмірді таңдағаныңыз үшін.
АИТВ — үкім емес.
Естелік — бұл күш.
Білім — бұл қорған.