№1 қалалық ауруханада Шығыс Қазақстан облыстық ЖИТС орталығының мамандары Волкова Галина Васильевна инфекционист дәрігері және Башкирцева Татьяна Михайловна дәрігер-эпидемиолог медицина қызметкерлеріне арналған оқу семинарын ұйымдастырды. Семинардың басты мақсаты – медицина мамандарының АИТВ инфекциясының алдын алу, диагностикалау және емдеу әдістері туралы білім деңгейін арттыру.
Шығыс Қазақстан облыстық ЖИТС орталығының қызметкерлері және «Aqniet» денсаулық сақтау және әлеуметтік қызметтер саласы кәсіподағының өкілдері арнайы балалар үйіне барып, балаларды Жаңа жыл мерекесімен құттықтады. Шара барысында бүлдіршіндерге мерекелік сыйлықтар табысталды. Ұйымдастырушылар балалардың көңілін көтеріп, олардың жүрегіне жылулық сыйлауды мақсат етті.
Осындай игі істер қоғамдағы әлеуметтік жауапкершілікті арттыруға ықпал етеді. Шараны ұйымдастырушылар мұндай кездесулердің алдағы уақытта да жалғасын табатынын атап өтті.
ШҚО ЖИТС орталығында АИТВ инфекциясымен өмір сүретін адамдар арасында туберкулездің алдын алу тақырыбында аутрич қызметкерлеріне арналған семинар өтті. Семинардың лекторлары фтизиатр-дәрігер Олеся Александровна Ионина және эпидемиолог Аяулым Еркінқызы Әукенова болды.
Іс-шараның басты мақсаты – халықтың негізгі топтарымен жұмыс істейтін мамандардың білімін арттыру. Семинар барысында туберкулезді анықтау және алдын алу ерекшеліктері, ауруды ерте диагностикалаудың маңыздылығы және коинфекцияның таралу қаупін азайту шаралары талқыланды.
Шығыс Қазақстан облыстық ЖИТС-тің алдын алу және оған қарсы күрес орталығының диагностикалық зертханасы – мекеменің негізгі бөлімшелерінің бірі. Зертхана ұжымында 16 жоғары білікті маман жұмыс істейді. Олар жыл сайын 100 000-нан астам АИТВ-ға, 10 000-ға жуық басқа жұқпалы ауруларға және 2 000 иммундық мәртебеге талдау жүргізеді.
Шығыс Қазақстан облыстық ЖИТС-тің алдын алу және онымен күрес орталығының мамандары клиникалық трансфузиологияның өзекті мәселелеріне арналған облыстық конференцияға қатысты.
Іс-шарада «АИТВ инфекциясы: эпидемиологиялық жағдай және алдын алу шаралары» тақырыбында баяндама жасаған эпидемиолог-дәрігер Татьяна Михайловна Башкирцева аймақтағы АИТВ жұқпасының таралуы туралы өзекті мәліметтерді ұсынды. Ол дер кезінде диагностика жүргізу, алдын алу шаралары мен ұжымдар арасындағы ынтымақтастықтың маңыздылығын атап өтті.
Глубокое аудандық ауруханасында АИТВ-инфекциясының алдын алу және емдеу мәселелеріне арналған семинар өтті. Іс-шараға ЖИТС орталығының мамандары, ауданның медицина қызметкерлері қатысты.
Инфекционист-дәрігері Елена Анатольевна Маркус АИТВ-ны емдеудің заманауи әдістері туралы айтып, клиникалық жағдайларды өз тәжірибесінен ұсынды және пациенттермен жұмыс кезінде дәрігерлердің сергек болуының маңыздылығын атап өтті.
Дәрігер-эпидемиолог Татьяна Михайловна Башкирцева АИТВ-ның таралуы туралы статистиканы атап өтті және аурумен байланысты қауіп факторлары туралы айтты.
Степное ауылында жоғары сынып оқушыларына АИТВ инфекциясының алдын алу тақырыбында дәріс өткізілді. Іс-шараны ШҚО ЖИТС орталығының мамандары ұйымдастырды.
Дәріс ойын түрінде өтті, бұл күрделі тақырыпты оқушылар үшін қолжетімді әрі қызықты етті. Оқушылар белсенді қатысып, сұрақтар қойып, алдын алу шараларын талқылады. Сонымен қатар, оларға денсаулыққа саналы көзқарастың маңыздылығын көрсететін бейнеролик көрсетілді.
Мұндай іс-шаралар жастардың АИТВ туралы хабардарлығын арттырып, жауапты мінез-құлық қалыптастыруға ықпал етеді.
13 желтоқсанда, ЖИТС Орталығында Қазақстан Тәуелсіздік күніне арналған салтанатты жиын өтті. Іс-шара мекеме қызметкерлерін патриотизм мен ел тарихына құрмет сезімінде біріктірді.
Жиын барысында қатысушылар Қазақстанның тәуелсіздік жылдарындағы жетістіктеріне арналған бейнеролик тамашалады. Бейнеролик әр азамат үшін еркіндік пен егемендіктің маңыздылығын қайта еске салды.
Іс-шараның ерекше бөлігі орталықтың үздік қызметкерлерін марапаттау болды. Бұл символикалық қадам олардың денсаулық сақтау саласындағы еңбегін және қоғам өмірін жақсартуға қосқан үлесін атап өтті.