Шығыс Қазақстан облысында «Император» сауда орталығында ЖИТС-пен күрес жөніндегі дүниежүзілік күнге орай «Өз мәртебеңді біл» акциясы ұйымдастырылды. Шараны ШҚО ЖИТС орталығы НПО Answer-мен бірлесіп өткізіп, сауда орталығына келген тұрғындардың назарын бірден өзіне аудартты.
Сауда үйінің холлында мамандар АИТВ-ға жедел экспресс-тестілеу жүргізіп, сондай-ақ жеке кеңес беру жұмыстарын өткізді. Қатысушылар АИТВ жұғу жолдары, алдын алу, ерте анықтаудың маңыздылығы туралы толық әрі сенімді ақпарат алды.

N°3 мектепте АИТВ инфекциясының алдын алу
тақырыбында Дүниежүзілік ЖИТС-пен күрес күніне  сай келген жоспарлы дәріс өтті

“Үміт” ЖДО мамандары оқушыларға АИТВ жұғу жолдары, одан
қорғану тәсілдері, ерте жүктіліктің алдын алу және  жауапкершілік тақырыбы туралы ақпарат берді.

ШҚО ЖИТС орталығының мамандары Д.Серікбаев атындағы ШҚТУ-дың Жоғары IT колледжінде 1-курс студенттеріне АИТВ/ЖИТС бойынша ақпараттық дәріс өткізді. Шараның мақсаты – жастар арасында АИТВ жұқпасының алдын алу, дұрыс ақпарат тарату және қауіпсіз мінез-құлық дағдыларын қалыптастыру. Студенттер мамандарға өз сауалдарын қойып, маңызды мәліметтер алды.

№10 мектептің оқушылары үшін АИТВ инфекциясының алдын алу бойынша ағартушылық лекция өтті. Іс-шараны ШҚО ЖИТС орталығы ұйымдастырды.
Лекция дүниежүзілік ЖИТС-пен күрес күніне арналған республикалық ақпараттық кампания аясында өткізілді.
Мақсат — жасөспірімдерге АИТВ туралы дұрыс ақпарат беру, жалған көзқарастарды жою және салауатты өмір салтын насихаттау.

ЖИТС-пен күресудің дүниежүзілік күні қарсаңында Өскемен қаласында жалпы практика дәрігерлері мен учаскелік терапевтерге арналған мамандандырылған семинар өтті. Іс-шара 14 қарашада ұйымдастырылып, 10 қараша мен 10 желтоқсан аралығында өтетін айлық аясында жүзеге асырылды. Айлықтың мақсаты – АИТВ жұқпасының алдын алу шараларын күшейту және медициналық қызметкерлер арасында ақпараттануды арттыру.

Қазақ-американ еркін университетінде (ҚАЕУ) «ВИЧеринка 2025» атты фасилитациялық кездесу өтті. Тақырыбы — «Қабылдау, қолдау және денсаулыққа қамқорлық мәдениеті: қорқынышсыз өмір».

Іс-шараны Шығыс Қазақстан облыстық ЖИТС-тың алдын алу және оған қарсы күрес орталығы ұйымдастырды.

Кездесудің басты мақсаты — жастар арасында АИТВ инфекциясының алдын алу туралы білімді арттыру, денсаулыққа жауапкершілікпен қарау мәдениетін қалыптастыру және АИТВ-ға қатысты стигманы азайту.

№43 мектепте АИТВ инфекциясының алдын алу тақырыбында Дүниежүзілік ЖИТС-пен күрес күніне арналған дәріс өтті.                                                            

Іс-шараны ШҚО ЖИТС алдын алу және оған қарсы күрес орталығы ұйымдастырды.                                                                                                                          

Мамандар оқушыларға АИТВ жұғу жолдары, одан қорғану тәсілдері және өз денсаулығына жауапкершілікпен қараудың маңызы туралы ақпарат берді.       

Бүгін Шығыс Қазақстан облысының Денсаулық сақтау басқармасы басшылығы мен өңірдегі барлық медициналық ұйымдардың жетекшілері қатысқан бірлескен кеңес өтті.

Кеңес барысында ШҚО ЖИТС алдын алу және оған қарсы күрес орталығының бас дәрігері Салтанат Ерболатқызы Фатихова 2025 жылдың 10 айындағы жұмыс қорытындылары туралы баяндама жасады.

Өз сөзінде ол орталық қызметінің негізгі бағыттарын, атқарылған профилактикалық шаралардың нәтижелерін атап өтіп, алдағы кезеңге арналған басым міндеттерді айқындады.

Бүгін Шығыс Қазақстан облысының Өңірлік коммуникациялар қызметінде ЖИТС-тің алдын алу және оған қарсы күрес орталығының брифингі өтті. Іс-шара Дүниежүзілік ЖИТС-пен күрес күні аясында ұйымдастырылды.

Брифинг барысында орталық мамандары 2025 жылдың 10 айындағы жұмыс қорытындыларын ұсынып, өңірдегі АИТВ инфекциясының эпидемиологиялық ахуалы мен профилактикалық шаралар туралы айтты. Сондай-ақ халықты ақпараттандыру, ерте анықтау және жастар арасында салауатты өмір салтын насихаттау бағытындағы жұмыстар сөз болды.

Шығыс Қазақстан облыстық ЖИТС алдын алу және оған қарсы күрес орталығы «Болашақ» жастар денсаулық орталығымен бірлесіп, №19 мектептің 7–9 сынып оқушыларына арналған ақпараттық дәріс өткізді.

Іс-шара Бүкіләлемдік ЖИТС-пен күрес күніне орай ұйымдастырылып, оның мақсаты – жасөспірімдер арасында АИТВ/ЖИТС туралы сауаттылықты арттыру және салауатты өмір салтын насихаттау болды.

Дәріс барысында мамандар оқушыларға АИТВ инфекциясының берілу жолдары, алдын алу шаралары және өз денсаулығына жауапкершілікпен қараудың маңызы туралы түсіндірді.