Шығыс Қазақстан облыстық ЖИТС орталығының мамандары Үлкен Нарын аудандық орталық ауруханасында семинар өткізіп, медициналық қызметкерлермен кездесті.

Басты мақсат – АИТВ инфекциясының алдын алу және ерте анықтау бойынша мамандардың білімін жетілдіру. Кездесу барысында профилактикалық жұмыстың өзектілігі талқыланды.                                                                                                                                                                                                               

Шығыс Қазақстан облыстық ЖИТС-тың алдын алу және оған қарсы күрес орталығының мамандары Катонқарағай аудандық орталық ауруханасында семинар өткізіп, медициналық қызметкерлердің жұмысына мониторинг жүргізді.

Іс-шараның мақсаты – АИТВ инфекциясының алдын алу бойынша медициналық қызметкерлердің білімін арттыру, заманауи диагностика мен емдеу тәсілдерін түсіндіру.

Семинар барысында дәрігерлерге эпидемиологиялық қауіпсіздік шаралары, АИТВ жұқтыру қаупі жоғары топтармен жұмыс істеу әдістері және пациенттерге психологиялық қолдау көрсету жолдары түсіндірілді.

Өскемен қаласында жастар орталықтары Шығыс Қазақстан облыстық ЖИТС-тың алдын алу және оған қарсы күрес орталығымен бірлесіп ақпараттық-түсіндіру жұмыстарын белсенді жүргізіп жатыр. Дәрістер оқу орындарында, кеңес беру кездесулері медициналық ұйымдарда өткізіліп, қатысушыларға АИТВ бойынша тегін әрі құпия түрде экспресс-тест тапсыру мүмкіндігі берілуде. Мұндай шаралар жастарға тек теориялық білім алып қана қоймай, өз денсаулығына жауапкершілікпен қарауға мүмкіндік береді.

Шығыс Қазақстан облысының ЖИТС алдын алу және күрес жөніндегі орталығының қызметкерлері «Еңбек дауларын келісу комиссиясының қарауы: еңбек заңнамасы мен келіссөздер дағдыларын қолдану практикасы» атты оқу курсы бойынша өткізілген семинарға қатысты.

Семинар барысында қатысушылар Қазақстан Республикасының Еңбек кодексінің негізгі нормаларымен танысып, жұмыс беруші мен қызметкерлер арасындағы қарым-қатынас мәселелерін, туындауы мүмкін келіспеушіліктер мен оларды шешу жолдарын талқылады.

Шығыс Қазақстан облысының ЖИТС алдын алу және күрес жөніндегі орталығында зейнет жасына жеткен қызметкерлерді қарттар күнімен – даналықтың, өмірлік тәжірибе мен рухани жомарттықтың мерекесімен шын жүректен құттықтау рәсімі өтті.

Кәсіподақ комитеті мен бүкіл ұжым атынан құрметті әріптестерімізге көпжылдық адал еңбегі, кәсіби шеберлігі мен мекеменің дамуына қосқан баға жетпес үлесі үшін алғыс сөздері айтылды.

Осындай қадірлі, парасатты жандардың біздің ұжымда жұмыс істейтіні – біз үшін үлкен мақтаныш!

Өскемен қаласындағы Жоғары медициналық колледжде «Өз мәртебеңді біл» атты акция ұйымдастырылды. Іс-шараға бірінші курс студенттерімен бірге колледждің педагогтары да белсене қатысты.

Акция барысында қатысушылар ШҚО ЖИТС-тің алдын алу және оған қарсы күрес орталығының дәрігерінің дәрісін тыңдап, өздерін толғандырған сұрақтарына жауап алды. Сонымен қатар студенттер мен оқытушылар қан тапсырып, АИТВ-ға экспресс-тесттен өтті.

Бұл шараның басты мақсаты – жастар мен ұстаздар арасында денсаулыққа жауапкершілікті қалыптастыру, сондай-ақ АИТВ-ның алдын алу мәдениетін дамыту

Әлемдік контрацепция күніне орай колледжде акция ұйымдастырылды. Шараның негізгі мақсаты – жасөспірімдер арасында репродуктивті денсаулықты сақтау, АИТВ және басқа да жыныстық жолмен берілетін инфекциялардың алдын алу, ақпараттық сауаттылықты арттыру болды.

Акция аясында Шығыс Қазақстан облыстық ЖИТС-тің алдын алу және оған қарсы күрес орталығының, Ана мен бала орталығының әйелдер консультациясының мамандары және үкіметтік емес ұйым өкілдері студенттерге дәріс оқыды.

Сабақтың қонағы – Аукенова Аяулым, ШҚО СПИД орталығының профилактикалық бөлімінің жетекшісі болды. Ол «сұрақ–жауап» форматында:
 • АИТВ мен ЖИТС дегеніміз не,
 • инфекцияның берілу жолдары,
 • қоғамдағы кең тараған мифтер,
 • өңірдегі эпидемиологиялық жағдай туралы айтып өтті.

Мұндай кездесулер жастарға шынайы ақпарат алуға, қате түсініктерді жоюға және алдын алудың маңыздылығын түсінуге көмектеседі.
 

Ана мен бала орталығында (ЦМИР) медицина қызметкерлері мен жүкті әйелдерге арналған дәріс өтті.

Эпидемиологиялық бөлімнің меңгерушісі Арай Айдарқызы жаһандық 95-95-95 бағдарламасының маңыздылығын атап өтті:
    •    95% адам өз мәртебесін білуі тиіс,
    •    анықталғандардың 95%-ы ем алуы керек,
    •    ем қабылдағандардың 95%-ы вирус деңгейін басуы қажет.