Халықаралық АИТВ-ден қайтыс болғандарды еске алу күні аясында Шығыс Қазақстан облысы Шемонаиха ауданы Половинка ауылында орналасқан 18-ші түзеу мекемесінде сотталғандар үшін ақпараттық-түсіндіру дәрісі өткізілді. Іс-шараға ШҚО ЖИТС-тың алдын алу және оған қарсы күрес орталығының өкілі, эпидемиолог дәрігер Аяулым Аукенова қатысты.

Кездесудің басты мақсаты – сотталғандардың АИТВ инфекциясы туралы білімін арттыру, жұғу жолдары мен алдын алу шаралары, дер кезінде тестілеу мен антиретровирустық терапияны бастау маңыздылығы туралы ақпарат беру болды.

12 мамыр күні Шемонаиха ауданының Половинка ауылына ЖИТС-тің алдын алу орталығының көшпелі мамандар тобы барып, медицина қызметкерлері мен 18-мекеме қызметкерлеріне оқыту дәрісін өткізді. Спикерлер — Нұрпейісова Г.К., Волкова Г.В. және Әукенова А.Е. — экспресс-тестілеу жүргізу, төтенше жағдайлар кезінде әрекет ету алгоритмдері және шұғыл алдын алу шаралары жөніндегі мәселелерді жан-жақты түсіндірді.

Халықаралық мейірбике күніне орай Халықтар достығы үйінде облыстың мейірбикелеріне арналған салтанатты іс-шара өтті. Бұл күн күнделікті адамдардың денсаулығы мен үмітін сақтауға үлес қосатын жандарға деген алғыс пен құрметтің көрінісіне айналды.

Сахнада жүрекке жылы сөздер айтылып, алғыс хаттар мен грамоталар табысталды. Марапатталғандардың қатарында ЖИТС-тың алдын алу және онымен күрес орталығының қызметкерлері де бар:
Габитова Анаргүл Бақытбекқызы,
Турарова Юлия Юрьевна,
Барон Ирина Викторовна.

Кездесудің басты мақсаты – оқушыларға АИТВ/ЖИТС туралы ғылыми әрі нақты ақпарат беру, жалған түсініктерді жою және жастар арасында жауапкершілік сезімін қалыптастыру.

Өз сөзінде эпидемиолог-дәрігер Аяулым Аукенова АИТВ инфекциясының таралу жолдары, одан қорғану әдістері және уақытылы тестілеудің маңыздылығы туралы ашық әрі түсінікті тілмен айтып берді.

"Денсаулық" дәрігерлік амбулаториясының базасында АИТВ-инфекциясының алдын алуға арналған қалалық емханалар мен стационарлардың эпидемиолог-дәрігерлеріне арналған оқыту семинары өтті. Іс-шараға Өскемен қаласының медициналық мекемелерінің мамандары, сондай-ақ ЖИТС алдын алу және оған қарсы күрес орталығының өкілдері қатысты.

Шығыс Қазақстан облыстық қан орталығында ШҚО ЖИТС-тың алдын алу және онымен күрес орталығы мамандарының мониторингтік сапары өтті. Сапардың мақсаты — донорларды тексеру сапасын, санитарлық-эпидемиологиялық талаптардың сақталуын бағалау және мекемелер арасындағы тәжірибе алмасу.

Сапар барысында ЖИТС орталығының мамандары қан орталығының процедуралық кабинеттерін және донорларды тексеру зертханаларын қарап шықты. Экспресс-тестілеу процесіне ерекше назар аударылды: ЖИТС орталығының зертханашысы қан алу және инфекцияларды жедел анықтау әдісін тәжірибе жүзінде көрсетті.

ЖИТС орталығының эпидемиолог дәрігері Татьяна Башкирцева «Жаңа Қазақстан» бағдарламасы аясында Altai телеарнасында сұхбат берді. Ол сұхбат барысында АИТВ жұқтырған адамдардың құқықтары туралы айтып, әркімнің құрметке, қолдауға және тең мүмкіндіктерге ие болу маңыздылығын атап өтті.

2025 жылдың 14 сәуірі мен 25 сәуірі аралығында Облыстық ЖИТС орталығының мамандары Маркус Е.А. мен Айдарқызы А. Ресей Денсаулық сақтау министрлігінің ФГБУ «В.А. Алмазов атындағы Ұлттық медицина зерттеу орталығында» (Санкт-Петербург қ.) біліктілікті арттыру курсынан өтті. Оқыту инфекциялық аурулар кафедрасында «АИТВ инфекциясын диагностикалау, алдын алу және емдеу тәжірибесімен алмасу» кәсіби бағдарламасы бойынша жүргізілді.

Алынған білім мен тәжірибе мамандарымызға АИТВ-мен өмір сүретін адамдарға көрсетілетін медициналық көмектің сапасын арттыруға мүмкіндік береді.

№14 орта мектепте ЖИТС орталығының маманы Юлия Тураровамен кездесу өтті.

Лекция барысында оқушылар өз денсаулығына қамқор болудың маңыздылығы, АИТВ қалай жұғатыны және одан қалай қорғануға болатыны туралы маңызды ақпарат алды.

Ашық форматтағы әңгіме жасөспірімдерге көкейде жүрген сұрақтарына жауап алып, қауіпті мифтерді жоққа шығаруға мүмкіндік берді.

Оқушыларға АИТВ-ның жұғу жолдары мен алдын алу шаралары түсіндіріліп, барлық сұрақтарға жауап берілді.

Лекция барысында маман жастарға салауатты өмір салтын ұстанудың маңыздылығын атап өтті. Сонымен қатар, жауапты қарым-қатынас пен өз денсаулығына деген мұқият көзқарас АИТВ-ның алдын алуда шешуші рөл атқаратыны айтылды.

Оқушылар тақырыпқа белсенді қатысып, сұрақтарын қойып, өз ойларымен бөлісті.